Gwybodaeth am Gynllun Uwchraddio Ynni Cartref Grŵp Cynefin

Mae Ôl-osod er mwyn Optimeiddio (ORP) yn ddull tŷ cyfan, pragmatig, o ddatgarboneiddio cartrefi presennol. Mae’n llawer mwy soffistigedig a phwrpasol na chynlluniau blaenorol. Mae’n ystyried y ffabrig neu’r deunyddiau a ddefnyddir i wneud cartrefi a’r ffordd rydym yn gwresogi ac yn storio ynni. Mae hefyd yn ystyried sut mae ynni yn cyrraedd ein cartrefi.

Mae’n agored i Landlordiaid Cymdeithasol Cofrestredig (RSLs) ac awdurdodau lleol (ALlau) i osod amrywiaeth o fesurau datgarboneiddio cartrefi yn y stoc tai cymdeithasol presennol.

Mae’r safon newydd arfaethedig yn annog landlordiaid i ystyried materion sy’n ymwneud â chynhesrwydd fforddiadwy a datgarboneiddio ar draws eu stoc gyfan i gynhyrchu cynllun ar gyfer pob cartref sy’n ymgymryd ag ôl-osod.

Mae ORP yn mabwysiadu dull blaengar ac addasadwy o ddatgarboneiddio cartrefi. Mae’r dull hwn yn caniatáu archwilio dulliau arloesol ac entrepreneuraidd, gan sicrhau bod strategaethau datgarboneiddio effeithiol ac effeithlon yn cael eu gweithredu.

Mae ORP yn cefnogi dulliau o ddatgarboneiddio cartrefi sy’n galluogi i’r seilwaith ehangach angenrheidiol fynd i’r afael â sicrhau bod materion fel datblygu sgiliau, caffael, modelau cyllid, dewisiadau defnyddiau a’r economi sylfaenol i gyd yn cael eu hystyried a’u datblygu.

Mae ORP yn sail i ddatblygiad parhaus Llywodraeth Cymru o bolisi ac ymarfer ôl-osod ar draws pob sector. Mae ORP yn ceisio deall y cyfuniad gwerth gorau o ffabrig, gofod, gwresogi dŵr, ynni, gwelliannau i eiddo unigol ac yn nodi llwybr i sero net ar gyfer pob cartref.